මීගමුව හිරේ සිට මෙහෙයවූ මත්ද්‍රව්‍ය ජාවාරමක් අල්ලයි

මීගමුව බන්ධනාගාරයේ සිට මෙහෙයවන මත්ද්‍රව්‍ය ජාවාරමක් සම්බන්ධයෙන් තොරතුරු අනවරණව තිබෙනවා.

එහි ප්‍රධාන ජාවාරමකරු මිනීමැරුම් චෝදනාවකට රඳවා සිටින අයෙකු බවටයි කොඨඨාශ විෂ මත්ද්‍රව්‍ය ඒකකය විසින් හඳුනාගෙන ඇත්තේ.

රුපියල් ලක්ෂ 10කට ආසන්න හොරෝයින් තොගයක් සමග සැකකරුවකු පුත්තලම ජේ.පී පටුමග ප්‍රදේශයේදී අත් අඩංගුවට ගෙන තිබුණේ (29) අලුයම දී.

25 හැවිරිදි සැකකරු ට හොරෝයින් ලබා දිමේ ජාවාරම මෙහෙයවා ඇත්තේ මීගමුව බන්ධනාගාරයේ රඳවියා බවත්, බන්ධනාගාරයේ සිට කාලයක් තිස්සේ ජාවාරම මෙහෙයවා ඇත්තේ ජංගම දුරකථන මාර්ගයෙන් බවත් සඳහන්.

ලක්ෂ 10ක පමණ හොරෝයින් සමග සැකකරු අත්අඩංගුවට ගන්නා අවස්ථාවේ දී පවා බන්ධනාගාරයේ සිටි ජාවාරම්කරු සමග දුරකථනයෙන් සම්බ්නධවී සිට ඇති බව විමර්ශනවලින් හෙළිව තිබෙනවා.

(පුත්තලම – ප්‍රියංකර කළුපහන)