'ඉටුකම' ප්‍රචාරක දැන්වීමෙන් බබාගේ කිරි බෝතලේ කපා දමයි
ඉටුකම COVID-19 සෞඛ්‍ය හා සමාජ ආරක්ෂණ අරමුදලට දායකත්වය ලබාගැනීම වෙනුවෙන් නිර්මාණය කෙරුණු "ඉටුකම" වීඩියෝ ප්‍රචාරක දැන්වීමෙහි ක...
https://sadisaalk.blogspot.com/2020/05/blog-post.html
ඉටුකම COVID-19 සෞඛ්‍ය හා සමාජ ආරක්ෂණ අරමුදලට දායකත්වය ලබාගැනීම වෙනුවෙන් නිර්මාණය කෙරුණු "ඉටුකම" වීඩියෝ ප්‍රචාරක දැන්වීමෙහි කුඩා දරුවා ට කිරි බෝතලයක් (සූප්පුවක් සහිත) ලබාදීමේ දර්ශන අඩංගුව තිබීම සම්බන්ධයෙන් බොහෝ පාර්ශව විවේචන එල්ල කළා.
එම විවෙචන වලින් කියැවුණේ 'උප නූපන් අහිංසක දරුවන්ගේ මවුකිරි බීමේ අයිතිය' සුරක්ෂිත කළ යුතුය යන්නයි.
එම වීඩියෝ දැන්වීමෙහි හෙදියක වන මව රාජකාරිය සඳහා නිවසෙන් පිටව යන විට පියා, කුඩා දරුවා වඩාගෙන සනසා ලන්නේ සූප්පුවක් සහිත කිරි බෝතලයක් ලබා දීමෙන්.
කෙසේ වෙතත් දරුවාට කිරි බෝතලයක් ලබා දීමේ දර්ශනය අඩංගුවීම තුළින් සමාජයට යැවෙන පණිවුඩය යහපත් නොවන බවට දක්වමින් යොමු කෙරුණු පුද්ගලික ලිපියක් පහතින්....
මෙහි සාධනීය පියවරක ට පැමිණ ඇති බව දැක්වෙන්නේ මේ වනවිට රුපවාහිනී මාධ්‍යයෙන් ප්‍රචාරය වන 'ඉටුකම' දැන්වීමෙහි, දරුවා ට කිරිබෝතලයක් ලබා දෙන කොටස ඉවත් කර ඒ වෙනුවට දරුවා පියා අත සිට මවට අත වනන ආකාරයේ දර්ශනයක් අඩංගු කර තිබීමයි.
ඒ සම්බන්ධයෙන් නිසි අවධානය යොමුකළ පාර්ශවයන් ට ප්‍රණාමය දක්වා යොමු කෙරුණු පුද්ගලික ලිපියක් පහතින්....
--------------------------------------------------------------------------------------------------------------------------
ඉටුකම කතාව
ඉටුකම ව්‍යාපෘතිය COVID-19 සෞඛ්‍ය හා සමාජ ආරක්ෂණ අරමුදල සඳහා ජනාධිපති ගෝඨාභය රාජපක්ෂ මහතා විසින් පිහිටුවන ලද COVID-19 ව්‍යාප්තිය අවම කිරීම අරමුණු කරගත් ක්‍රියාකාරකම් සහ ඒ හා සම්බන්ධ සමාජ සුභසාධන වැඩසටහන් සඳහා අරමුදල් රැස්කිරීමේ වැඩසටහනකි.
ජනාධිපති අරමුදලෙන් රුපියල් මිලියන 100 ක පරිත්‍යාගයක් සමඟ මෙම අරමුදල පිහිටුවන ලදී.
COVID-19 වසංගතය මගින් ගෙන එන තීරණාත්මක සෞඛ්‍ය අවශ්‍යතා මෙම අරමුදල විසින් සපුරාලනු ඇති අතර සෞඛ්‍ය හදිසි අවස්ථා සඳහා ශ්‍රී ලංකාවේ දිගුකාලීන සූදානම වැඩි දියුණු කරනු ඇත.
කොරෝනා වසංගතයෙන් මිදීමට සියලු දෙනාගේ සහාය අවශ්‍ය වී ඇත.
ශ්‍රී ලංකා මාතාව නැවත නඟා සිටුවීමට මූල්‍යමය හෝ මූල්‍යමය නොවන නොමසුරු දායකත්වය රජය වෙත ලබා දිය හැකියි.
ඒ සඳහා www.itukama.lk ඔස්සේ ජනාධිපති ලේකම් කාර්යාලය විසින් කළමනාකරණය කෙරෙන අරමුදලක් වන "ඉටුකම" හා සම්බන්ධ වන්න.
පළමු ප්‍රතිචාරකයින් සහ පවුල්
COVID-19 ලොව පුරා හා අපේ කුඩා ජාතිය විනාශ කරද්දී, අපගේ නිර්භීත රජයේ සේවකයින්, වෛද්‍ය නිලධාරීන්, ත්‍රිවිධ හමුදාවේ සාමාජිකයින් සහ පොලීසිය තර්ජනයට මුහුණ දීමට පසුබට වී නැත. ඔවුන් අපේ ජීවිත ඔවුන්ගේ ජීවිත හා ඔවුන් ආදරය කරන අයගේ ජීවිතවලට වඩා ඉහළින් තැබීමට තෝරාගෙන තිබේ. ඔවුන් අද ආරක්ෂිතව නිවසේ රැඳී සිටීම සඳහා මෙම මාරාන්තික වසංගතය සමඟ පොරබදමින් ඉදිරි පෙළේ සිටගෙන සිටිති.අපේ ඉටුකම
අපගේ ජීවිත නිර්භීතව ආරක්ෂා කරන අය වෙනුවෙන් අපගේ කොටස කළ යුතු කාලය දැන් එළඹ ඇත.
අපේ ජාතිය වෙනුවෙන් රාජකාරියේ කැඳවීමෙන් ඔබ්බට ගිය අයට ගෞරව කිරීමට කාලය පැමිණ තිබේ.
ජාතික අවශ්‍යතාවයකට දායක වීමට මෙය අපගේ මොහොතයි.
අපේ ජාතිය වෙනුවෙන් රාජකාරියේ කැඳවීමෙන් ඔබ්බට ගිය අයට ගෞරව කිරීමට කාලය පැමිණ තිබේ.
ජාතික අවශ්‍යතාවයකට දායක වීමට මෙය අපගේ මොහොතයි.
ඉටුකම COVID-19 සෞඛ්‍ය හා සමාජ ආරක්ෂණ අරමුදල (පළමු අදියර ඉලක්කය)
ඉලක්කය කුමක්ද?
මෙම අරමුදලේ මූලික සහ ක්ෂනික අරමුණුගත ඉලක්කය වන්නේ සෞඛ්‍ය අංශයේ සහ අනෙකුත් අත්‍යවශ්‍ය සේවා සපයනන්ගේ සෞඛ්‍ය හා ආරක්ෂාව සහතික කිරීම වන අතර එලෙසින්ම COVID-19 නිසාවෙන් අවදානමට ලක්ව සිටින අපගේම ජනතාවට සහනාධාර සැපයීමට රජයට අවස්ථාව සලසාදීමයි. වර්තමාන සෞඛ්‍ය සේවයේ සම්පත් සීමිත බව නිසා ඇතිව තිබෙන අවදානම අවම කිරීම සහ බෝවන රෝගයන්ට ජාතික වශයෙන් සූදනම් වීමට අවශ්‍ය කරන සාධකයන් වැඩි දියුණු කිරීම සදහා තීරණාත්මක ආයෝජන කිරීම උදෙසා මෙම අරමුදල යොදා ගැනේ.
අරමුදල් භාවිතා කරන්නේ කුමක් සඳහාද?
- සෞඛ්‍ය සේවා, ඖෂධ, පරීක්ෂණ උපකරණ සහ ධාරිතා වර්ධනය ඇතුළු COVID-19 කළමනාකරණය සඳහා සෞඛ්‍ය සේවා අධ්‍යක්ෂ ජනරාල් විසින් දරන ලද වියදම්
- දැනට පවතින වසංගතය තුළ සෞඛ්‍ය අංශයේ සේවකයින්ගේ සහ අත්‍යවශ්‍ය මහජන බෙදාහැරීමේ සේවා සැපයීමට කටයුතු කරන සියලුම සැපයුම්කරුවන්ගේ සෞඛ්‍ය හා ආරක්ෂාව සඳහා පහසුකම් සැලසීම.
- ළමුන්, කාන්තාවන්, අඩු ආදායම් ලබන අය, වැඩිහිටියන් සහ ආබාධිත පුද්ගලයින් ඇතුළු හඳුනාගත් අවදානමට ලක්විය හැකි කණ්ඩායම් සඳහා මූලික අවශ්‍යතා සැපයීම.
- මහජන සෞඛ්‍ය සේවා පද්ධතිය ශක්තිමත් කිරීම සහ ග්‍රාමීය බෙහෙත්ශාලා, පරීක්ෂණ සහ ප්‍රතිකාර මධ්‍යස්ථාන ඇතුළු බෝවන රෝග සඳහා ජාතික අවදානම අවම කිරීම.
- දේශීය වෛද්‍ය විද්‍යාව සහ දේශීය අමුද්‍රව්‍ය භාවිතය ඇතුළුව සෞඛ්‍ය හා සනීපාරක්ෂාව පිළිබඳ පර්යේෂණ හා නව්‍යකරණයන් ප්‍රවර්ධනය කිරීම.
- ගෝලීය වශයෙන් අලෙවි කළ හැකි ආරක්ෂිත ඇඳුම් සහ සනීපාරක්ෂක නිෂ්පාදනවල දේශීය නවෝත්පාදනයන්ට සහාය වීම.
- මාධ්‍ය සහ අධ්‍යාපන වැඩසටහන් තුළින් සෞඛ්‍ය සම්පන්න ජීවිතයක් ප්‍රවර්ධනය කිරීම.
විවිධ ක්ෂේත්‍රවල වෘත්තිකයන් සහ බුද්ධිමතුන් 17කගෙන් සමන්විත වන අතර ඔවුන් මේ අවස්ථාවේ දී උපරිම සහාය හා සහයෝගය ලබා දෙන බව සහතික කර ඇත.
ඉටුකම COVID-19 සෞඛ්‍ය හා සාමාජ ආරක්ෂණ අරමුදලට සහාය වන්න
COVID-19 සෞඛ්‍ය හා සමාජ ආරක්ෂණ අරමුදලට පරිත්‍යාග දේශීය හා විදේශීය පරිත්‍යාගශීලීන්ගෙන් පිළිගනු ලැබේ.
සියලු පරිත්‍යාග බදු සහ විදේශ විනිමය රෙගුලාසි වලින් නිදහස් වේ.
විස්තර
ජනාධිපති ලේකම් කාර්යාලය, ගෝල් ෆේස්,කොළඹ 00100, ශ්‍රී ලංකාව.
+94112354354
info@itukama.lk